სულ ქალაქელები: ინგლისში წლის ფეხბურთელი ფოდენია – სიმბოლურ ნაკრებში ჰოლანდი ვერ მოხვდა

„სიტის“ ნახევარმცველი ფილ ფოდენი პრემიერლიგის სეზონის საუკეთესო ფეხბურთელი გახდა.

23 წლის ინგლისელმა 17 გოლი გაიტანა და 8 ასისტი გააკეთა ჩემპიონატის 34 შეხვედრაში.

ფოდენის გარდა ჯილდოს ნომინანტები იყვნენ: ერლინგ ჰოლანდი („სიტი“), ალეკსანდერ ისაკი („ნიუკასლი“), მარტინ ედეგორი, დეკლან რაისი („არსენალი“), კოულ პალმერი („ჩელსი“), ვირხილ ვან დეიკი („ლივერპული“) და ოლი უოტკინსი („ასტონ ვილა“).

ზედიზედ 5 წელიწადია “სიტის” ფეხბურთელები სეზონის საუკეთესო ფეხბურთელის პრიზს ისაკუთრებენ: ფოდენი, ჰოლანდი, დიაში და ორჯერ დე ბრუინი.

პალმერი დაასახელეს საუკეთესო ახალგაზრდა ფეხბურთელად. “ჩელსის” ბომბარდირმა გაასწრო ჰოლანდს, ფოდენს და “არსენალის” საკას.

Goal-მა პრემიერლიგის სეზონის სიმბოლური ნაკრები გამოაქვეყნა.
მასში 7 სხვადასხვა კლუბის ფეხბურთელი მოხვდა. აღსანიშნავია, რომ გუნდში არ მოიძებნა საუკეთესო ბომბარდირის ერლინგ ჰოლანდის ადგილი.

Goal-ის სიმბოლური ნაკრები:

მეკარე: ჯორდან პიკფორდი („ევერტონი“);

მცველები: ბენ უაითი, უილიამ სალიბა („არსენალი“), ვირხილ ვან დეიკი („ლივერპული“), ენტონი რობინსონი („ფულჰემი“);

ნახევარმცველები: მარტინ ედეგორი, დეკლან რაისი („არსენალი“), როდრი („სიტი“);

თავდამსხმელები: ფილიპ ფოდენი („სიტი“),ოლი უოტკინსი („ასტონ ვილა“), კოულ პალმერი („ჩელსი“).