ინგლისი მუხლს ისევ მოიყრის: სხვები ალბათ არა

ინგლისის ნაკრების ფეხბურთელები აპირებენ ევროპის ჩემპიონატზე ისევ დადგნენ მუხლზე მოძრაობა Black Lives Matter-ის მხარდასაჭერად.

გუნდის ლიდერები ჯერაც მიიჩნევენ, რომ ეს მნიშვნელოვანი ანტირასისტული ჟესტია, იუწყება The Telegraph.

ამასთან, ინგლისის ნაკრებს ეჭვი ეპარება, რომ მათ მხარს აუბამენ D ჯგუფის სხვა მონაწილეები – ხორვატია, შოტლანდია და ჩეხეთი.

ევროპის ჩემპიონატი 11 ივნისიდან 11 ივლისამდე გაიმართება.