თურქეთს საქართველოსთან დაწყება უხარია

თურქმა საფეხბურთო კომენტატორმა მურატ აკდამმა Al Ain Türkçe-სთან ინტერვიუში ევრო 2024-ზე თავისი ქვეყნის ნაკრების შანსები შეაფასა, საქართველოს ეროვნულ გუნდთან პირველ მატჩზე ისაუბრა და თქვა, რომ ტურნირზე მეოთხედფინალში გასვლა შეუძლიათ:

“ვფიქრობ, ჩვენი გუნდი ევროპის ჩემპიონატზე წარმატებას მიაღწევს. ტოპ 8-ში მოხვედრის შესაძლებლობა გვაქვს. ამის მტკიცების საფუძველს ის ფაქტი მაძლევს, რომ ჩვენი სუპერლიგა მაღალ დონეზე ჩატარდა და ფეხბურთელები მაღალ სათამაშო დონეზე იმყოფებიან, განსაკუთრებით, ფიზიკური მომზადების მხრივ; აგრეთვე, დამაიმედებელი ლეგიონერების მთელი სეზონის მანძილზე კარგი ასპარეზობაა.

ასევე უპირატესობად იმას მივიჩნევ, რომ ვინჩენცო მონტელა თანამედროვე მწვრთნელია.

პოზიტიურია პირველივე მატჩში საქართველოსთან შეხვედრა, ვიდრე ტურნირის უფრო ძლიერ მეტოქესთან დაპირისპირებით დაწყება. ახლავე შემიძლია ვთქვა – ჩვენი შესაძლო წარმატება არავის არ გააკვირვებს”.