თემურ ქეცბაია: ჩვენ ვისწავლით შეცდომებზე

ევროპის ჩემპიონატის შესარჩევ ეტაპზე საქართველო 28 მარტიდან ჩაერთვება, მანამდე კი ჩვენ ჯგუფში ორი შეხვედრა გაიმართა. ჯერ გლაზოში, შოტლანდიამ კვიპროსს 3:0 მოუგო, რომლის მთავარი მწვრთნელი, ჩვენი თანამემამულე და ერთ დროს საქართველოს ნაკრების თავკაცი თემურ ქეცბაიაა.

ქართველმა სპეციალისტმა სქოთებთან წაგებული მატჩის შემდეგ კომენტარი გააკეთა.

ჩვენი ჯგუფიც დაიწყო: ქეცბაიას კვიპროსმა შოტლანდიასთან წააგო

„ვულოცავ შოტლანდიას დამსახურებულ გამარჯვებას. იმედგაცრუებული ვარ, რადგან ის ფეხბურთი ვერ ვითამაშეთ, რომელიც მჯერა, შეგვიძლია ვაჩვენოთ. უნდა ვეცადოთ, დაშვებულ შეცდომებზე ვისწავლოთ.

წავაგეთ ძალიან კარგ გუნდთან, რომელსაც მაღალი დონის ფეხბურთელები ჰყავს. „მანჩესტერ იუნაიტედის“ ფეხბურთელი სათადარიგოთა სკამზე იყო, ეს ბევრს მეტყველებს. 0:1 წაგება რომ გვდომებოდა, ბოლოს არც გავრისკავდით, მაგრამ სქემა შევცვალეთ,გავრისკეთ, სამწუხაროდ, არ გამოგვივიდა.

87-ე წუთამდე თამაშის გადარჩენის იმედი გვქონდა. რასაც ბოლო 10-15 წუთში ვცდილობდით, არ გამოგვივიდა ისე, როგორც გვსურდა. ჩვენ ვისწავლით შეცდომებზე“.