თბილისის დინამოს მორიგი ტრანსფერი: კამარა დინამოელია

თბილისის “დინამო” მომავალი სეზონისთვის შემადგენლობის გაძლიერებას განაგრძობს.

ამჯერად, საქართველოს ყველაზე ტიტულიანმა კლუბმა 23 წლის გვინეელი შემტევი უსმანე კამარა დაიმატა. კამარამ გასული სეზონი გორის “დილაში” გაატარა და 40 შეხვედრაში 10 გოლი, 5 საგოლე პასი მიითვალა. “დინამომ” გვინეელ ფეხბურთელთან 3-წლიანი კონტრაქტი გააფორმა.

“დილამდე” კამარა ნორვეგიულ “ვალერენგაში” და შვედურ “ესკელსტუნაში” ირჯებოდა.