თამაში კონკურენტებთან: სლოვანმა მოიგო, კიტემ წააგო – ლეგიონერები

ბრატისლავას „სლოვანმა“ უშუალო კონკურენტი „დუნაისკა სტრედა“ 2:1 დაამარცხა და ლიდერთან სხვაობა შეამცირა.
საჩემპიონო ჯგუფის მე-4 ტურის შეხვედრაში „სლოვანის“ ძირითადში გურამ კაშიამ (75-ე წუთზე შეცვალეს) და ჯაბა კანკავამ ითამაშეს, ხოლო გიორგი ჩაკვეტაძე 61-ე წუთზე შევიდა.
ანგარიში მეორე ნახევარში სტუმრებმა გახსნეს. „სლოვანმა“ იბრძოლა და მიზანს მიაღწია. ამ დროისთვის ჩაკვეტაძე უკვე მოედანზე იყო.
ლიდერია ისევ „დუნაისკა სტრედაა“ (57 ქულა), რომელსაც „სლოვანი“ უკვე 3 ქულით ჩამორჩება.

ოთარ კიტეიშვილის 24-ე ტურის შეხვედრაში გრაცის „შტურმი“ ერთ-ერთ მთავარ კონკურენტს, „ლასკს“ ესტუმრა და 1:2 დამარცხდა.
კიტეიშვილი ძირითად შემადგენლობაში იყო და 77-ე წუთზე შეცვალეს.
„შტურმი“ 24 ქულით ისევ მე-2 ადგილზეა და ლიდერ „ზალცბურგს“ 4 ქულით ჩამორჩება.

ბუდუ ზივზივაძის „კარლსრუემ“ 27-ე ტურის მატჩი „ნიურნბერგთან“ სტუმრად გამართა და გამარჯვება ბოლო წამებზე ხელიდან გაუშვა – 1:1.
ქართველი თავდამსხმელი სათადარიგოებში იყო და მოედანზე 79-ე წუთზე გამოჩნდა. „კარლსრუემ“ 36 ქულა დააგროვა და მე-8 ადგილზეა.

კვიპროსის ჩემპიონატში „ანორთოსისმა“ ლიმასოლის „აელ-თან“ 2:0 მოიგო და ლიგაში ადგილის შენარჩუნება არ გაუჭირდება (სახიფათო ზონას უკვე 20 ქულით უსწრებს).
გუნდის კაპიტანი გიორგი ლორია განაცხადში არ ყოფილა. ქართველი მეკარე ტრავმირებულია. ავთო ებრალიძე თადარიგში დარჩა.