ზურიკოს ამჯერად არ გამოუვიდა: სენტ ეტიენმა სახლში წააგო

ლიგა 1-ის მე-8 ტურში „სენტ-ეტიენი“ საკუთარ მოედანზე „ლანსთან“ დამარცხდა – 0:2.

ზურიკო დავითაშვილმა შეუცვლელად ითამაშა, მაგრამ შედეგიანი თამაშით თავი ვერ გამოიჩინა. მისი თამაში ასე შეაფასეს: sofascore – 7.3, flashscore – 6.7, whoscored – 6.6.

მეორე ტაიმში, ერთ ეპიზოდში ზურიკო დავითაშვილის დარტყმულს მცველი გადაეფარა და „ლანსი“ გადაარჩინა, მეორედ კი ქართველის მიერ წამოწყებული შეტევის დაგვირგვინება პიერ ეკვაჰის შეეძლო, მაგრამ მიზანს ააცილა.

სენტ-ეტიენი – ლანსი 0:2
გოლები: 0:1 ფრანკოვსკი (20), 0:2 ლაბო-ლასკარი (79)

„სენტ-ეტიენს“ 7 ქულა აქვს და 26 ოქტომბერს ატუმრად „ანჟეს“ შეხვდება.