ვინ უყვართ ჩინეთში: აქ ინგლისიცაა, რონალდოც და ბარსელონაც

ჩინეთის სპორტულმა ციფრულმა სააგენტომ Mailman Group კვლევა ჩაატარა და ადგილობრივი გულშემატკივრებისთვის 5 ყველაზე პოპულარული ლიგა, 5 ყველაზე პოპულარული კლუბი და 3 ყველაზე პოპულარული ფეხბურთელი დაასახელა.

რეიტინგი შედგა ადგილობრივ სოცქსელებში, როგორებიცაა Weibo და Douyin, გამომწერების რაოდენობის საფუძველზე.

ჩემპიონატებს შორის პირველ ადგილზე ინგლისის პრემიერლიგა გავიდა. მეორეზეა ლა ლიგა, მესამეზე – ბუნდესლიგა. ტოპ 5-ში ასევე მოხვდნენ ლიგა 1 და სერია ა.

რაც შეეხება კლუბებს, პირველ ადგილზე „ბარსელონა“ აღმოჩნდა. მეორე ადგილზე გავიდა „რეალი“, მესამეზეა „ჩელსი“. ხუთეულში მოხვდნენ „ბაიერნი“ და „ლივერპული“.

ჩინეთში ყველაზე პოპულარულ ფეხბურთელად „იუვენტუსის“ ფორვარდი კრიშტიანო რონალდო დაასახელეს.
მეორე ადგილზე გავიდა ნეიმარი, სამეული კი ლეო მესიმ დახურა.