ვინ გახდება ინგლისის ჩემპიონი: პროგნოზი განახლდა, სიტის ერთი კონკურენტი ჰყავს

პრემიერლიგაში ნახევარი გზა გავლილია, გუნდებმა 20 ტური მოილიეს და 21-ე ტურისთვის პირველ ადგილზე „ლივერპულია“.

თუმცა ეს უპირატესობა დიდი არ არის. კლოპის 45-ქულიანი გუნდი უკვე მხოლოდ 2 ქულით უსწრებს დე ბრუინ დაბრუნებულ „სიტის“ და 3 ქულით წლის სენსაცია „ასტონ ვილას“.

მერსისაიდელების წარმატების მიუხედავად, ანალიტიკური პორტალი Opta მათ მე-2 ადგილზე აყენებს ტიტულის პრეტენდენტებს შორის და „წითლების“ პრემიერლიგის მოგების შანსებს 36.3%-ად აფასებს.

აი მოქმედი ჩემპიონის „სიტის“ გამარჯვების ალბათობა კი 57.6%-ია, მიუხედავად იმისა, რომ „ქალაქელები“ პირველ წრეში სტაბილურები არ ყოფილან.

Opta-ის პროგნოზით, 2023/24 წლების სეზონის ბოლო პრემიერლიგის ცხრილის ზედა ნაწილი ასეთი იქნება:

1. „სიტი“
2. „ლივერპული“
3. „არსენალი“
4. „ასტონ ვილა“