ვიდეო: შერმადინის 7 ქულა და ტენერიფეს გამარჯვება

გიორგი შერმადინის ლენოვო ტენერიფე სიჩქარეს კრიფავს. ესპანეთის ჩემპიონატის 3 წაგებით დაწყების შემდეგ ტენერიფელებმა ზედიზედ მეორე გამარჯვება მოიპოვეს. კუნძულელთა მორიგი მსხვერპლი ლიგის დებიუტანტი, თუმცა სეზონის 3 გამარჯვებით დამწყები ხირონა გახლდათ. შერმადინის გუნდი ჟირონელებს სტუმრად შეხვდა და საკმაოდ კომფორული გამარჯვება გაიფორმა – 79:66.

საართველოს ეროვნული ნაკრების ცენტრმა მოედანზე 14 წუთი გაატარა, საკუთარ გუნდს კი 7 ქულა და 1 მოხსნა შესძინა. ქართველმა ცენტრმა 4-დან 3 ორქულიანი და 2-დან 1 საჯარიმო ჩააგდო. ზოგადად, კანარიელებმა გუნდური კალათბურთი ითამაშეს და ყველაზე შედეგიანი მხოლოდ 13 ქულით ჟოან სასტრე იყო.