ვიდეო: გოგა მარგი ქმედებით თავის გუნდში საუკეთესო იყო

გოგა ბითაძის “ინდიანა პეისერსი” NBA-ს მორიგ შეხვედრაში დასავლეთ კონფერენციის ლიდერ “შარლოტ ჰორნეტს” დაუპირისპირდა და უშანსოდ 97:114 დამარცხდა.

მიუხედავად მარცხისა, ქართველი ამ შეხვედრაში გამორჩეული იყო და საკუთარი გუნდის შემადგენლობაში მარგი ქმედების კოეფიციენტის მიხედვით საუკეთესო გახლდათ. გოგას კვლავ მცირე დრო ჰქონდა და პარკეტზე 10:47 წუთში 10 ქულა, 7 მოხსნა და 1 პასი მოაგროვა.

გოგამ საშუალო დისტანციიდან სროლები უნაკლოდ შეასრულა და 3-დან 3 ჩააგდო, პერიმეტრიდან 2-დან 1 სროლა გამოიყენა, საჯარიმოს ხაზთან კი სამჯერ დადგა და კალათში ბურთი ერთხელ მოათავსა. ბითაძეს თავის გუნდელებთან შედარებით ყველაზე მაღალი მარგი ქმედების კოეფიციენტი ჰქონდა – +7.

აღსანიშნავია, რომ ამ მატჩში შედეგიანობის მხრივ გოგამ მაილს ტერნერსა და დომანტას საბონისსაც კი აჯობა.