ეს საკმარისი არ არის, სხვა კვარაა საჭირო: როგორ შეაფასეს ხვიჩა

„ნაპოლიმ“ მძმე თამაში მოიგო ჩემპიონატში. სტუმრად „ლეჩე“ 2:1 დაამარცხა რთულ ბრძოლაში და ჩემპიონობას კიდევ უფრო მიუახლოვდა. ხვიჩა კვარაცხელიამ თითქმის სრულად ითამაშა, ის წამატებულ დროში გავიდა მოედნიდან.

ნაპოლის რთული გამარჯვება: კვარას ძიებაში

Sofascore-მა ქართველის თამაში 7.0 ქულით შეაფასა, Whoscored-მა კი ოდნავ მეტი, 7.1 ქულა დაუწერა.
ორივე პორტალმა საუკეთესო მოთამაშედ კიმ მინ-ჯე დაასახელა.

კვარაცხელიას თამაშზე იტალიურმა გამოცემებმაც დაწერეს.

Areanapoli – 6.5 ქულა:
„როდესაც ხვიჩა ბურთს იღებს, მისგან ყოველთვის საფრთხეს ელოდები. მართალია, ეს მისი საუკეთესო შეხვედრა არ ყოფილა, თუმცა არც ყველაზე ცუდი გახლდათ“.

Eurosport – 6 ქულა:
„კვარასგან” გამორჩეულ თამაშს ვართ მიჩვეული. მან გამარჯვების მოსაპოვებლად დიდი ძალისხმევა გაიღო, მეორე გოლი ქუსლით შექმნა“.

Calciomercato – 5.5 ქულა:
„მეორე ნახევარში უფრო მონდომებული იყო, თუმცა ეს საკმარისი არ აღმოჩნდა“.

Mediaset – 6 ქულა:
„ეს ჩვეული კვარა არ იყო, მცველები ხისტად ეთამაშებოდნენ. თანაგუნდელებმა მხარი ვერ აუბეს“.

Tuttomercatoweb – 6 ქულა:
„ლეჩემ“ კვარაცხელიას ცხოვრება გაურთულა. გუნდს ის ლიდერობს და ცდილობს სახიფათო იყოს, თუმცა არ გამოუვიდა“.

Сalcionapoli – 5.5 ქულა:
„კვარაცხელია რამდენჯერმე თანაგუნდელებმა არ შეიმჩნიეს, ამიტომ მატჩზე გავლენა ვერ მოახდინა. „ნაპოლის“ „მილანთან“ სხვა კვარა დასჭირდება“.

შეგახსენებთ, „ნაპოლის“ მომდევნო შეხვედრა უკვე ჩემპიონთა ლიგაზე უწევს. 12 აპრილს 1/4 ფინალში სტუმრად „მილანთან“.