ემპოლი ისევ აგებს, გოგლიჩიძე თავის გუნდში საუკეთესოა

სერია A-ს 25-ე ტურში „ემპოლი“ სტუმრად „უდინეზესთან“ დამარცხდა – 0:3.

საბა გოგლიჩიძემ შეუცვლელად ითამაშა. ამ მატჩში ჩვენიანი მარჯვნიდან ცენტრში შესწიეს. მან ანალიტიკური საიტებისგან თავის გუნდში ყველაზე მაღალი შეფასებები მიიღო: sofascore – 6.9, flashscore – 6.8, whoscored – 6.5.

უდინეზე – ემპოლი 3:0
გოლები: 1:0 ეკელენკამპი (19), 2:0 ეკელენკამპი (65), 3:0 ტოვენი (90)

„ემპოლიმ“ ზედიზედ მესამე მარცხი განიცადა (10 მოუგებელი მატჩი), 21 ქულით მე-17 ადგილზეა და 23 თებერვალს „ატალანტას“ უმასპინძლებს.