“ემირეითსზე” არსენ ვენგერის მონუმენტი მზადდება

მაგარი მატჩი გამოდგა “არსენალსა” და “ვესტ ჰემს” შორის. ლონდონურ დერბიში არტეტას გუნდმა 3:1 მოიგო, თან გაბი ჟეზუსის გარეშე და თან, ამ მატჩს ლეგენდარული არსენ ვენგერი დაესწრო! მისი დასწრება გამოსარჩევი იმითაა, რომ გუნდიდან წასვლის შემდეგ პირველად ესტუმრა “არსენალს”.

პარალელურად კი “ტელეგრაფი” გვატყობინებს, რომ 2023 წლის ზაფხულში “ემირეითსის” ტერიტორიაზე არსენ ვენგერის ძეგლი გაიხსნება. ამის შესახებ კარგახანია საუბრობენ. ჰო, ვენგერი მეთოფეებს 1996-2018 წლებში წვრთნიდა და 2003/04 სეზონში წაუგებლად იჩემპიონა!