დროზე დაიძინეთ: გურამ კაშია სლოვაკ ქართველებზე, სომხეთთან თამაშზე და… რჩევა ყველას

ბრატისლავის „სლოვანის” ქართველმა მცველმა გურამ კაშიამ კლუბის ოფიციალურ საიტს ინტერვიუ მისცა. სლოვაკეთის ჩემპიონატის დასრულებამდე 7 ტურია დარჩენილი, „სლოვანი” კი 7 ქულით უსწრებს „ჟილინას”.

გურამ კაშია:

„ჯერ კიდევ „პოდბრეზოვასთან” მატჩის წინ ვთქვი, რომ სამი უმნიშვნელოვანესი შეხვედრა და ორი კვირა გველოდებოდა. პირველი ორი მატჩი კარგად ჩავატარეთ.

რაც შეეხება სლოვაკეთში მოთამაშე ქართველებს, მე ვიცნობ ნარიმანიძეს და მის ოჯახს. ხანდახან ვურთიერთობთ. ის ახალგაზრდა ფეხბურთელია და პოტენციალი აქვს.
ვაკვირდები „დუნაისკა სტრედაში” ცოტნე კაპანაძის თამაშს. მასაც ვიცნობ. კარგი ბიჭია. მიხარია, რომ ჩემი თანამემამულეები ჩამოდიან სლოვაკეთში და მჯერა, ისინი აქ დადებით შთაბეჭდილებას მოახდენენ.

რაც შეეხება საქართველოსა და სომხეთის შეხვედრას, საინტერესო თამაშები გამოვიდა. როცა მინდორზე გადიხარ, არ ფიქრობ, რომ შენს წინააღმდეგ ვინ თამაშობს, ძმა თუ მეგობარი. თამაშის შემდეგ მე და ტიგრან ბარსეგიანმა ვისაუბრეთ და მაისურებიც გავუცვალეთ. ეს თამაშები წარუმატებელი იყო სომხებისთვის, მაგრამ რას ვიზამთ, ფეხბურთში ხდება მსგავსი რამ.

გაზაფხული დატვირთული გამოვიდა. ჩემპიონთა ლიგის გარდა, თამაში ნაკრებშიც მიწევდა. ახლა შედარებით მშვიდი პერიოდია. მეტი დრო მაქვს დასვენებისთვის, ახალი ენერგიისთვის. კარგ კონდიციაში ვარ.

ყველას ერთ რჩევას მივცემ – ბევრი იძინონ. ადრე დაიძინეთ და არა შუაღამისას. თუ ასე იზამთ, ცხოვრების ხარისხი უკეთესობისკენ შეიცვლება“.