დისკვალიფიკაცია ქართველ მკლავჭიდელებს: ევროპის ჩემპიონატი ქართველების გარეშე

მკლავჭიდის საერთაშორისო ფედერაციამ თავის ოფიციალურ ვებგვერდზე განცხადება გამოაქვეყნა, რომელშიც ნათქვამია, რომ საქართველოს მკავჭიდის და პარა-მკლავჭიდი ნაკრების წევრები ყველა ოფიციალური შეჯიბრებიდან დისკვალიფიცირებულნი არიან.

შესაბამისად, ცნობილია იმის შესახებ, რომ ბუქარესტში 7-14 მაისის ჩათვლით გასამართ ევროპის ჩემპიონატზე ქართველი მკლავჭიდელები მონაწილეობას ვერ მიიღებენ. ტურნირზე, უკვე კარგად ცნობილი მიზეზის გამო, რუსი და ბელარუსი სპორტსმენებიც არ იქნებიან.

საქმე, ბათუმში ვერ ჩატარებულ მსოფლიო ჩემპიონატს ეხება., რომელიც 17-27 სექტემბერს უნდა გამართულიყო, მაგრამ ქართულმა მხარემ ტურნირის ორგანიზება ვერ მოახერხა.