“დინამოს” ფლამარიონიც დატოვებს?

ოლეკსანდრ აზაცკის, მილან რადინისა და ბენჟამინ ტეიდის შემდეგ ბათუმის “დინამო” შეიძლება 26 წლის თავდამსხმელმა ჯოვინო ფლამარიონმა დატოვოს.

საქართველოს გასული ჩემპიონატის საუკეთესო ფეხბურთელად აღიარებული ფლამარიონის სამსახურით ყაზახეთის ჩემპიონი “ასტანა” დაინტერესდა, – ამის შესახებ ინფორმაციას Prosports.kz Aladop.kz-ზე დაყრდნობით ავრცელებს.

ფლამარიონი “პალმეირასის” აღზრდილია, ბათუმის “დინამოში” 2017 წელს გადავიდა, გასულ სეზონში კი ეროვნული ლიგის ბომბარდირი გახდა.