დანა უაითი: ფეხბურთი მძულს

ასეთსაც გაიგონებ. სპორტი, რომლის ისტორიის წერაც 1857 წელს დაიწყო, როდესაც “შეფილდ FC” დაარსდა და უკვე 165 წელია მსოფლიოს ალამაზებს, დანა უაითის კრიტიკის ობიექტი გახდა. უაითი “UFC”-ს პრეზიდენტია:

“ვერ ვიტან ფეხბურთს, ვფიქრობ, სპორტის ეს სახეობა დედამიწაზე ყველაზე ნაკლებად მოითხოვს ნიჭიერებას. არსებობს მიზეზი, რის გამოც სამი წლის ბავშვებს შეუძლიათ ფეხბურთის თამაში? შენ დარბიხარ ირგვლივ და ბურთს ურტყამ. როგორი უნიჭო უნდა იყო, რომ სამი ქულა ვერ მოაგროვო, როცა ბადე ასეთი დიდია”.