დავეხმაროთ ზურიკოს გახდეს თვის ფეხბურთელი: მიეცი ხმა

ზურიკო დავითაშვილი ლიგა 2-ის მაისის თვის საუკეთესო ფეხბურთელის ნომინაციაზეა წარდგენილი. კანდიდატი სულ სამია: „დიჟონის“ თავდამსხმელი ლუმ შაუნა, „ლავალის“ განელი შემტევი დემბო სილა და „ბორდოს“ ქართველი.

საუკეთესოს გულშემატკივრები ირჩევენ.
„დროა ავირჩიოთ მაისის თვის მოთამაშე“ – წერია ლიგა 2-ის „ტვიტერის“ გვერდზე.

სასიხარულოა, რომ გამოკითხვაში დავითაშვილი ლიდერობს. ასე რომ, შეგვიძლია ჩვენც მივეხმაროთ და ზურიკო თვის ფეხბურთელად ვაქციოთ.

ხმის მიცემა ხუთშაბათამდე, 1-ელი ივნისის 16:00 საათამდე გაგრძელდება. მონაწილეობა შესაძლებელია ბმულზე

ზურიკომ მაისში ორი გოლი გაიტანა და ერთი საგოლე პასი გააკეთა, ორ შეხვედრაში კი მოგებაში გადამწყვეტი როლი ითამაშა. ჩვენიანი სამჯერ მოხვდა ტურის სიმბოლურ ნაკრებში.