გუარდიოლას ხელფასი 20 მილიონი ხდება

სანამ ნოემბრის კატარულ სიცხეს ვუმკლავდებით პერიოდულად საკლუბო ფეხბურთის ნოტები ალაგ-ალაგ გამოერევა ხოლმე. ჯერ რონალდუმ დაიძახა მე წავედიო, მაგრამ “გარდიანმა” პეპ გუარდიოლას ახალი ხელფასის შესახებ მოგვაწოდა ცნობა.

ადრე გავრცელდა ინფორმაცია, რომ “მანჩესტერ სიტი” მწვრთნელ პეპ გუარდიოლას კონტრაქტს 1+1 სისტემით გაუხანგრძლივებდა. “გარდიანის” ცნობით, გუარდიოლამ ახალ ხელშეკრულებას უკვე მოაწერა ხელი.

გამოცემის მტკიცებით, პეპს ხელფასს მოუმატებენ – აქამდე მისი სეზონური გასამრჯელო 20 მილიონი ფუნტი იყო.

გუარდიოლა “ქალაქელებს” 2016 წელს ჩაუდგა სათავეში და მისი ხელმძღვანელობით გუნდი ოთხჯერ გახდა ინგლისის ჩემპიონი და ერთხელ ჩემპიონთა ლიგის ფინალში გავიდა.