გოლიც, პასიც… საბა ლობჟანიძე ისევ გამორჩეულია

საბა ლობჟანიძემ ოკეანის გაღმა კვლავ გამოიჩინა თავი. MLS-ის 24-ე ტურის შეხვედრაში ქართველის „ატლანტა იუნაიტედი“ საკუთარ მოედანზე „ნიუ იორკ სიტის“ შეხვდა და 2:2 ითამაშა.

საბა ლობჟანიძემ პირველივე წუთზე საგოლე პასი გააკეთა. „ატლანტა“ შეტევებს განაგრძობდა და 38-ე წუთზე ლობჟანიძემ უკვე თავად გაიტანა – 2:0. ახლო მანძილიდან მეკარის მოგერიებულს დაამატა.

საბამ მიმდინარე სეზონში “ატლანტას” მაისურით 20 მატჩი გამართა, თავი კი 5 გატანილი გოლითა და 2 შედეგიანი პასით გამოიჩინა.

24 ტურის შემდეგ „ატლანტა იუნაიტედი“ აღმოსავლეთ კონფერენციაში მე-12 ადგილზეა და პლეი ოფში მოხვედრის შანსს ინარჩუნებს.