გოგლიჩიძის კარგი მატჩი, ემპოლის ქულა ვენეციაში

საბა გოგლიჩიძის „ემპოლიმ“ ახალი წელი ერთ-ერთ აუტსაიდერ „ვენეციასთან“ გასვლითი მატჩით გახსნა და რთულ შეხვედრაში ქულა მოიპოვა – 1:1.

ქართველი მცველი ძირითად შემადგენლობაში იყო და მთელი მატჩი მაღალ დონეზეც, თითქმის უშეცდომოდ ითამაშა.
შესაბამისად, შეფასებებიც კარგია: Flashscore – 7.2; Sofascore – 7.1; Whoscored – 6.9.

ვენეცია – ემპოლი 1:1
გოლები: 1:0 პოხიანპალო (5), 1:1 ესპოზიტო (32)

19 ტურის შემდეგ „ემპოლიმ“ 20 ქულა დააგროვა და მე-12 ადგილზეა. მომდევნო შეხვედრა კი 11 იანვარს აქვს, შინ „ლეჩესთან“.