გოგლიჩიძე ცენტრში დააყენეს, ემპოლიმ სახლში წააგო

საბა გოგლიჩიძის „ემპოლიმ“ სერია A-ში „ლეჩეს“ უმასპინძლა და წააგო – 1:3.

ქართველი მცველი ძირითად შემადგენლობაში იყო და შეუცვლელად ითამაშა. ჩვენიანი ალბანელი ისმაილის არყოფნის გამო დაცვის ცენტრში დააყენეს. საბამ მცველებს შორის საუკეთესო შეფასება მიიღო.
sofascore – 6.6, flashscore – 6.6, whoscored – 6.5.

ემპოლი – ლეჩე 1:3
გოლები: 0:1 მორენტე (6), 0:2 კრსტოვიჩი (11), 1:2 კაკაჩე (47), 1:3 კრსტოვიჩი (90+1)

20 ტურის შემდეგ „ემპოლი“ 20 ქულით მე-13 ადგილზე დაქვეითდა და 19 იანვარს მილანში „ინტერს“ დაუპირისპირდება.