გოგლიჩიძემ სრულად ითამაშა, საბერძნეთში ქართული დუელი შედგა

სერია A-ს 22-ე ტურში „ემპოლი“ შინ „ბოლონიას“ შეხვდა – 1:1.
საბა გოგლიჩიძემ შეუცვლელად ითამაშა. მისი შეფასებებია: sofascore – 6.6, flashscore – 6.3, whoscored – 6.2.

ემპოლი – ბოლონია 1:1
გოლები: 1:0 კოლომბო (24), 1:1 დომინგესი (44)

„ემპოლი“ ამ მომენტისთვის 21 ქულით მე-14 ადგილზეა და 2 თებერვალს ტურინში „იუვენტუსს“ შეხვდება.

საბერძნეთში ლევან შენგელიას ოფი შეხვდა ლუკა გუგეშაშვილის „პანსერაიკოსს“ და 3:2 მოუგო. თამაშის ბედი დიდწილად გადაწყვიტა ეპიზოდმა, რომელშიც შენგელია საგოლე პასით მონაწილეობდა, გუგეშაშვილმა კი ბურთი ახლო კუთხეში გაუშვა.
შესაძლოა, ამ მომენტმა ქართველი მეკარის შეფასებაზეც იმოქმედა – 6.9. თუმცა მან 7 სეივი გააკეთა. შენგელია კი გამორჩეული იყო. შეფასება – 7.5.