გიორგი შერმადინი ჩემპიონთა ლიგის გამარჯვებულია

საქართველოს ნაკრების ცენტრი და ერთ-ერთი ლიდერი გიორგი შერმადინი ჩემპიონთა ლიგის გამარჯვებულია. საკალათბურთო ჩემპიონთა ლიგის ფინალურ შეხვედრაში შერმადინის “ლენოვო ტენერიფემ” ესპანური “მანრესა” 98:87 დაამარცხა.

შერმადინი შეხვედრაში სათადარიგო სკამიდან ჩაერთო და პარკეტზე გატარებულ 19:28 წუთში 14 ქულა, 3 მოხსნა, 1 პასი და 1 ჩაჭრა მიითვალა. “შერმინატორმა” 8-დან 6 ორქულიანი, 3-დან 2 საჯარიმო ჩააგდო.ასევე, მან 3 პერსონალური ფოლი მიიღო.

“ლენოვო ტენერიფემ” ჩემპიონთა ლიგის ტიტული მეორედ მოიპოვა. ეს პირველად ესპანელებმა 2016-17 წლებში შეძლეს.