გვაქვს პოტენციალი მიზანს მივაღწიოთ: ვილი სანიოლი

მსოფლიო ჩემპიონატის ახალი შესარჩევი ციკლის დაწყებამდე საქართველოს ნაკრების მთავარმა მწვრთნელმა, ვილი სანიოლმა პრესკონფერენცია გამართა და თურქეთსა და ბულგარეთთან მოახლოებულ შეხვედრებზე ისაუბრა.

ვილი სანიოლი:

„მნიშვნელოვანიამატჩის წინ დასახულ გეგმებს როგორ შევასრულებთ. თურქეთი თურქეთი ძლიერი და ამბიციური გუნდია, მაგრამ ვფიქრობ, გვაქვს პოტენციალი, დასახულ მიზანს მივაღწიოთ. სექტემბერში რთულია თამაში, რადგან სეზონი ახალი დაწყებულია.

სამმცველიანი ტაქტიკა? ჩემთვის უფრო მნიშვნელოვანია, მოთამაშეებმა დავალებები შეასრულონ. ტაქტიკური სქემა იმაზე იქნება დამოკიდებული, დაცვის სისტემასთან დაკავშირებით რა გადაწყვეტილებას მივიღებთ. განვითარება გვჭირდება. თუ ყოველთვის ერთსა და იმავეს ვეცდებით, ეს არ იმუშავებს.

ნაკრებში მოსვლის შემდეგ ვცდილობთ, გუნდში ახალგაზრდების ინტეგრაცია მოხდეს. ამჯერად ორი დებიუტანტი გვყავს, გიორგი აბუაშვილი და ნოდარ ლომინაძე. არიან სხვა საინტერესო მოთამაშებიც, გიორგი კვერნაძე და ნიკა გაგნიძე. ისინი მომავალში იქნებიან გამოძახებული. თაობათა ცვლა და გუნდის გადახალისება ბუნებრივი პროცესია. ნაკრების კარი ყოველთვის ყველასთვის ღია იქნება მათთვის, ვინც ამას იმსახურებს.

ჩაკვეტაძე აპრილიდან ვერ გვეხმარება, ის გუნდის მნიშვნელოვანი ნაწილია, მაგრამ ეს სიტუაციაა, სადაც არაფერი შემიძლია. იგივე ეხება ლაშა დვალს, ის ამ ეტაპისთვის მზად არ იყო დაგვხმარებოდა. უთამაშებლები არიან როგორც მამარდაშვილი, ასევე გუგეშაშვილი. მეკარეებისთვის სხვა სიტუაციაა – მათთვის ინტენსივობა შეიძლება ნაკლებად მნიშვნელოვანი იყოს, შედარებით მცველებისა. თუ ეს სიტუაცია დიდ ხანს გაგრძელდება, ეს დიდ პრობლემად იქცევა. იმედია ყველაფერი გამოსწორდება“.

მსოფლიო ჩემპიონატის შესარჩევი ჯგუფის საწყის ორ მატჩს საქართელოს ნაკრები თბილისში გამართავს: 4 სექტემბერს თურქეთს უმასპინძლებს (20:00 სთ), ხოლო 7-ში – ბულგარეთს (17:00 სთ), ორივე შეხვედრა „დინამო არენაზე“ გაიმართება.