გარდაიცვალა სილვიო ბერლუსკონი

მილანში, სან-რაფაელეს საავადმყოფოში, 86 წლის ასაკში გარდაიცვალა იტალიის ყოფილი პრემიერ-მინისტრი და საფეხბურთო კლუბ „მილანის“ პრეზიდენტი სილვიო ბერლუსკონი. ამის შესახებ იტალიური მედია იუწყება.

2021 წელს გულის პრობლემის გამო, ბერლუსკონის ჰოსპიტალიზება მოხდა. მანამდე კი პოლიტიკოსმა „კოვიდ-19“ გადაიტანა.

ბერლუსკონი იტალიის ერთ-ერთი უმდიდრესი ადამიანი იყო. ის ფლობდა სამ იტალიურ ტელეარხს, იტალიის უდიდეს საგამომცემლო სახლს.
1986 წლიდან იყო საფეხბურთო კლუბ „მილანის“ მფლობელი და პრეზიდენტი.
ჟურნალ „ფორბსის“ ინფორმაციით, 2011 წელს მისი აქტივები შეფასდა 6 მილიარდ დოლარად.

2012 წლის 26 ოქტომბერს სილვიო ბერლუსკონი საგადასახადო თაღლითობის გამო გაასამართლეს და 4 წელი მიუსაჯეს.

მისის სახელი მუდმივად უკავშირდებოდა სკანდალებს. შარშან კი, 85 წლის ბერ­ლუს­კო­ნიმ 32 წლის დე­პუ­ტატ მარ­ტა ფა­ში­ნა­ზე იქორ­წი­ნა.

“მილანის” აღორძინება სწორედ მის სახელს უკავშირდება. ბერლუსკონიმ 80-იანი წლების ბოლოს გუნდში სუპერვარსკვლავებს მოუყარა თავი და არიგო საკის 1990-იანი წლების “მილანი” დაუმარცხებელ გუნდად აქცია.

ბერლუსკონი იყო იმ “მილანის” თავკაცი, როდესაც ამ გუნდში კახა კალაძე თამაშობდა.

ბოლოს ბერლუსკონი “მონცას” პრეზიდენტი იყო.