გამორბენი, დარტყმა, არის: ვინ და რამდენად ხშირად ურტყამდა პენალტს

სპორტული კვლევების საერთაშორისო ცენტრმა CIES Football Observatory-მა გაანალიზა რამდენად ხშირად ურტყამდნენ ევროპული კლუბები პენალტებს 2018/19 წლებში.

ტოპ 5 ლიგაში ყველაზე ხშირად 11-მეტრიანებს ასრულებდნენ „მანჩესტერის“ ფეხბურთელები. საშუალოდ „იუნაიტედი“ პენალტს 299 წუთში ურტყამდა.

305 წუთში ერთხელ პენალტს მოიპოვებდა პსჟ. „ლაციო“ და „ინტერი“ 11-მეტრიანებს ასრულებდნენ საშუალოდ ყოველ 315 წუთში, „მილანი“ და „იუვენტუსი“ – 324 წუთში.

„ჩელსი“, რომელიც პენალტს 419 წუთში ერთხელ ურტყამდა, რეიტინგში 24-ე ადგილზეა, „ბარსელონა“ – 25-ზე (428 წთ), „სიტი“ – 26-ეა (434).

„ბაიერნი“ რეიტინგში 34-ე ადგილზეა (466 წთ), „რეალი“ – 42-ეზე (503).