ბუდუ შეცვლაზე შევიდა, ჰაიდენჰაიმმა მეორეც წააგო

ბუნდესლიგაში ბუდუ ზივზივაძის „ჰაიდენჰაიმი“ „ლაიფციგს“ ესტუმრა და დამარცხდა – 0:2.

ქართველი თავდამსხმელი ამჯერად სათადარიგო იყო და მოედანზე 58-ე წუთზე შევიდა, მაგრამ მისი გუნდი ზოგადად ცუდად თამაშობდა და ჩვენიანსაც თავი დიდად არ გამოუჩენია.

„ჰაიდენჰაიმმა“ ზედიზედ მეორე თამაში წააგო და ქულის გარეშეა და მომდევნო შეხვედრას 13 სექტემბერს შინ დორტმუნდის „ბორუსიასთან“ ჩაატარებს.

ლაიფციგი – ჰაიდენჰაიმი 2:0
გოლები: 1:0 ბაუმგარტნერი (48), 2:0 კარდოსო (78)