ბითაძემ 4-დან ვერცერთი ვერ ჩააგდო, მაგრამ მნიშვნელოვანი მატჩი მოიგო

გამთენიისას, გოგა ბითაძის “ინდიანა პეისერსმა” NBA-ს რეგულარული სეზონის მორიგი შეხვედრა გამართა. “პეისერსი” “კლივლენდს” დაუპირისპირდა და დაძაბულ ბრძოლაში 111:102 დაამარცხა.

გუნდის ძირითადი ცენტრის მაილს ტერნერის ტრავმის მიუხედავად, გოგას ამ თამაშში მაინც მცირე სათამაშო დრო მიეცა. საქართველოს ნაკრების ცენტრმა პარკეტზე მხოლოდ 9 წუთი გაატარა და მოედანი უქულოდ დატოვა. ბითაძემ სამჯერ პერიმეტრიდან სცადა ჩაგდება, ერთხელ საშუალო დისტანციიდან, მაგრამ ყველა უშედეგო გამოდგა. გოგამ მხოლოდ 3 მოხსნა და 2 დაფარება მიითვალა.

სამმაგ დუბლამდე 1 პასი დააკლდა დომანტას საბონისს, ლიეტუველი კალათბურთელის ანგარიშზე 21 ქულა, 20 მოხსნა და 9 პასია. „პეისერსიდან“ ორმაგი დუბლი 20 ქულითა და 10 პასით გაიფორმა.

“ინდიანამ“ ამ მოგებით „ვაშინგტონს“ გადაასწრო, რომელიც თავის შეხვედრაში „ატლანტასთან“ დამარცხდა. გოგას გუნდი შემდეგ მატჩს ხვალ, 12 მაისს „ფილადელფიას“ წინააღმდეგ გამართავს.