ახალგაზრდების წილისყრა 3 დეკემბერსაა: 16 გუნდი 4 ჯგუფში

საქართველოს ახალგაზრდულმა ნაკრებმა საოცრად ითამაშა და ძალიან გაახარა გულშემატკივარი. ჩვენმა გუნდმა მოგეხსენებათ ჯერ რთული ჯგუფური ეტაპი დაძლია და პლეი-ოფში გავიდა, შემდეგ კი ხორვატია დრამატულ ორთაბრძოლაში დაამარცხა.

21-წლამდელთა ევროპის ჩემპიონატი 2025 წლის 11-28 ივლისს სლოვაკეთში გაიმართება.

ევრო 2025-ის მონაწილეები არიან: ინგლისი (მოქმედი ჩემპიონი), სლოვაკეთი (მასპინძელი), დანია, საფრანგეთი, გერმანია, იტალია, ნიდერლანდები, პოლონეთი, პორტუგალია, რუმინეთი, სლოვენია, ესპანეთი და უკრაინა.

ტურნირის წილისყრა მალეა, 3 დეკემბერს სლოვაკეთის დედაქალაქ ბრატისლავაში.

სისტემა ტრადაციული და მარტივია: 16 ნაკრები ოთხ ჯგუფში გადანაწილდება.

როგორც იცით, საქართველო წინა ჩემპიონატზე მასპინძლის სტატუსით იყო და ეროვნული ნაკრების წევრებით გაძიერებული ძალიან ძლიერ ჯგუფში პირველ ადგილზე გავიდა. თუმცა მეოთხედფინალი პენალტების სერიაში ისრაელთან წააგო და ამით ოლიმპიადის საგზური მოპოვების შანსი დაკარგა.