აქაური ატმოსფერო ჩვენს ახალგაზრდებს ვერ დათრგუნავს, ყველანი კარგად ვართ

დღეს საღამოს გლაზგოში საქართველოს ნაკრები ევრო 2024-ის შესარჩევი ეტაპის მესამე შეხვედრას გამართავს, ჯგუფის ერთპიროვნულ ლიდერ შოტლანდიასთან, რომელსაც 3-დან 3 მოგება აქვს. თანაც ჩვენმა მეტოქემ, იღბლის თუ რისი წყალობით, მაგრამ დაამარცხა ესპანეთი და სტუმრად ნორვეგია. მოკლედ, აშკარაა ამ ეტაპზე მეორეადგილოსან საქართველოს მძიმე მატჩი ელოდება.

გლაზგო გზის ნაწილია, რომელიც ოცნებისკენ მიგვიყვანს: რა არის საქართველოს მთავარი ამოცანა და რას ელოდება სანიოლი

თამაშის წინ, პრესკონფერენციაზე კომენტარი გააკეთა საქართველოს ნაკრების კაპიტანმა გურამ კაშიამ:

„ვფიქრობ, რომ ნაკრებში მყოფ ახალგაზრდა ფეხბურთელებს საკმარისი გამოცდილება აქვთ და არ მგონია, რომ ადგილობრივმა ატმოსფერომ დათრგუნოს ეს მოთამაშეები. მეც და მთელი გუნდი ძალიან კარგად ვგრძნობთ თავს და ველოდებით საინტერესო თამაშს“.

შოტლანდია – საქართველოს მატჩი თბილისის დროით 22:45 საათზე დაიწყება. შეხვედრის პირდაპირ რეპორტაჟს საქართველოს პირველი არხი შემოგთავაზებთ.