არ ყოფილა ავად: ზურიკომ სრულად ითამაშა

საფრანგეთის ლიგა 2-ის მე-4 ტურში ზურიკო დავითაშვილის „სენტ ეტიენმა“ „გრენობლს“ უმასპინძლა და მხოლოდ ქულა მოიპოვა – 1:1.
ქართველი ნახევარმცველი ძირითადში იყო და ბოლომდე ითამაშა.

არადა, მატჩის წინ გუნდის მწვრთნელმა ეირიკ ჰორნელანმა პრესკონფერენციაზე განაცხადა, რომ დავითაშვილი ავად იყო და შეიძლებოდა მატჩში მონაწილეობა ვერ მიეღო.

სენტ ეტიენი – გრენობლი 1:1
გოლები: 1:0 ნადე (37), 1:1 დიაბი (77)
გაძევება: მუიკოლო (90+5, გრენობლი)

„სენტ ეტიენი“ 8 ქულით ლიდერია და 13 სექტემბერს „კლერმონს“ ესტუმრება.