არმანი – ფეხბურთის ლეგენდა: აცმევდა ტოპ გუნდებს

ჯორჯო არმანი გარდაიცვალა. მოდის მეფე 91 წლის იყო.

არმანის შეეძლო ექიმი გამხდარიყო და ორი წლის განმავლობაში მედიცინას სწავლობდა, 60-იან წლებში კი მოდაში მუშაობა დაიწყო. მან მილანის დიდ უნივერმაღში, რინასჩენტეში, ხელოსნად დაიწყო მუშაობა. იქ ის სწრაფად დააწინაურეს ვიტრინების გამფორმებლად, შემდეგ კი ტანსაცმლის მყიდველებთან გადაიყვანეს. ამავდროულად, ჯორჯო იტალიელი მოდის დიზაინერის, ნინო ჩერუტის ასისტენტი გახდა.

1974 წელს არმანიმ თავისი პირველი კოლექცია საკუთარი სახელით წარადგინა. მომდევნო წელს კი, თავის მეგობართან, არქიტექტორ სერხიო გალეოტისთან ერთად, მან არმანის მოდის სახლი დააარსა. არმანი უნიკალურია იმით, რომ ის დღემდე რჩება ერთ-ერთ იმ მცირერიცხოვან მოდის სახლთაგან, რომელიც დიდი ჰოლდინგების ნაწილი არ გამხდარა.

ჯორჯოს უყვარდა პროცესის ყველა დეტალის კონტროლი. ბოლომდე ის არმანი ჯგუფის კრეატიული, აღმასრულებელი დირექტორი და ერთადერთ აქციონერად დარჩა.

ფეხბურთს განსაკუთრებული ადგილი უჭირავს არმანის ცხოვრებაში.

ჯორჯო ინტერის გულშემატკივარი იყო. კლუბის შეძენის შესახებ ჭორებიც კი დადიოდა

არმანი 1934 წელს პიაჩენცაში დაიბადა, მილანიდან ერთი საათის სავალზე. როდესაც ჯორჯო 14 წლის იყო, ოჯახთან ერთად იტალიის მოდის დედაქალაქში გადავიდა საცხოვრებლად. იქ სკოლა დაამთავრა და იმაზე დაფიქრდა, თუ რა სურდა გაეკეთებინა. არჩიბალდ კრონინის რომანის „ციტადელის“ წაკითხვის შემდეგ, მედიცინით დაინტერესდა, მაგრამ უნივერსიტეტი მალევე მიატოვა. გარკვეული პერიოდის განმავლობაში ჯორჯო ფოტოგრაფის ასისტენტად მუშაობდა, შემდეგ კი ჯარში მსახურობდა. სამხედრო სამსახურიდან დაბრუნების შემდეგ, უნივერმაღში დაიწყო მუშაობა.

მილანი არმანის მთელი ცხოვრებაა. აქ მან ბრენდი დააარსა და მთელ მსოფლიოში გახდა ცნობილი. არმანის შტაბ-ბინა დღემდე მილანშია. გასაკვირი არ არის, რომ ფეხბურთში ჯორჯო მილანის გუნდს – “ინტერს” – გულშემატკივრობდა. იტალიის გარეთ კი “ჩელსი” მოსწონდა.

2006 წელს იტალიურმა მედიამ ისიც კი დაწერა, რომ არმანი მზად იყო გამხდარიყო თავისი საყვარელი კლუბის მფლობელი და 300 მილიონი ევრო გადაეხადა. თუმცა, მასიმო მორატი „ინტერის“ გაყიდვას არ განიხილავდა. „არმანი“ გუნდის მფლობელი გახდა, ოღონდ საკალათბურთო გუნდის. 2008 წელს ჯორჯომ შეიძინა „ოლიმპია მილანი“, გახდა გუნდის ერთადერთი მფლობელი და რესტრუქტურიზაცია მოახდინა მენეჯმენტში. მის ხელმძღვანელობით „მილანმა“ დიდ წარმატებას მიაღწია: ექვსი იტალიის ჩემპიონატი, ოთხი იტალიის თასი და ხუთი იტალიის სუპერთასი, გუნდი ასევე მოხვდა 2021 წლის ევროლიგის ოთხთა ფინალში.

ნაპოლიმ ორჯერ მოიგო ჩემპიონატი EA7-ის ფორმაში

არმანიმ საფეხბურთო დიდება არა თავის საყვარელ კლუბთან, არამედ “ნაპოლისთან” მიაღწია. 2021 წელს არმანის იმპერიის სპორტული განყოფილება, EA7, ნეაპოლიტანური კლუბის ტექნიკური პარტნიორი გახდა. არმანი მეგობრობდა “ნაპოლის” მფლობელ აურელიო დე ლაურენტისთან.
პარტნიორობა ლეგენდარული აღმოჩნდა.

“ნაპოლიმ” ორჯერ მოიგო ჩემპიონატი (ამაში ხვიჩა კვარაცხელიას უდიდესი წვლილია). კლუბმა გამოუშვა ფორმების გიჟური რაოდენობა. პიკი 2021/22 წლების სეზონი იყო. “ნაპოლის” 13 ფორმა ჰქონდა: სეზონის სტანდარტული ოთხი ფორმა, ცალკე მაისური ევროპული ტურნირებისთვის და ჰელოუინის მაისური ობობას ქსელით. პლუს ოთხი მაისური დიეგო მარადონას პატივსაცემად – სხვადასხვა ფერებში.

არმანის EA7-ის შექმნა შევჩენკომ შთააგონა

2000 წელს არმანიმ ანდრეი შევჩენკო გაიცნო, რომელიც მილანში ახალი გადასული იყო.

ისინი სწრაფად დამეგობრდნენ და იტალიაში თავდამსხმელი მოდის სამყაროში თავდავიწყებით ჩაეფლო. მას სიამოვნებდა მოდის ჩვენებებზე დასწრება.

2004 წელს დიზაინერმა წარადგინა სპორტული ხაზი Emporio Armani 7, უფრო ცნობილი როგორც EA7. ის შთაგონებული იყო შევჩენკოს თამაშით, ხოლო ნომერი შვიდი მილანში უკრაინელი ფეხბურთელის სათამაშო ნომრის მინიშნებაა. ხაზი დღემდე არსებობს და მოიცავს სხვადასხვა სპორტს: მძლეოსნობა, ფიტნესი, ჩოგბურთი, გოლფი, ცურვა, ზამთრის სახეობები.

ჯორჯიომ მოთამაშეები მოდელებად აქცია და მათ ჩვენებებზე იწვევდა

არმანი ერთ-ერთი პირველი იყო, ვინც ფეხბურთელების მარკეტინგული პოტენციალი დაინახა.

„ფეხბურთელები თანამედროვე გლადიატორები არიან, რომლებსაც პატივს სცემენ როგორც მოედანზე, ასევე მის გარეთ“, – თქვა არმანიმ 2000-იანი წლების შუა პერიოდში. „ისეთი მოთამაშეები, როგორებიც არიან ლუიშ ფიგუ, შევჩენკო, დევიდ ბექჰემი და რონალდო, წარმოადგენენ ახალ მამაკაცურ იდეალს, რომელიც აერთიანებს ძალას, ათლეტიზმსა და ელეგანტურობას. ისინი ჩემს კოლექციებს შთააგონებენ“.

მათი მეგობრობის ერთ-ერთი ყველაზე ნათელი მომენტი იყო ანდრეი შევჩენკოს მონაწილეობა არმანის მოდის ჩვენებაში. 2001 წელს კუტურიემ შევა მიიწვია მილანის მოდის კვირეულის პოდიუმზე გასასვლელად. იქ ვარსკვლავების ჯგუფი შეიკრიბა: ჯორჯ კლუნი, ბრედ პიტი, ჯენიფერ ენისტონი, სამუელ ლ. ჯექსონი, ეშლი ჯადი და ადრიან ბროდი, რომლებიც შევჩენკოს აკვირდებოდნენ.

ბექჰემის წყალობით, Armani-ს საცვლების გაყიდვები 30%-ით გაიზარდა. ბექჰემის შემდეგ რონალდოსთან გააფორმეს კონტრაქტი

არმანიმ საუკეთესოებს არჩევდა, რადგან ამით მისი ბრენდი სარგებლობდა.

ბექჰემი 2000-იან წლებში სტილის მეფე იყო. როდესაც ის Los Angeles Galaxy-ში გადავიდა, ჯორჯიომ EA7 საცვლების ხაზის პოპულარიზაციის კონტრაქტი გააფორმა. ევროპაში გაყიდვები ისედაც კარგი იყო, მაგრამ იმ დროს ისინი აშშ-ში გაფართოებას გეგმავდნენ.

ავტორიტეტულმა ჟურნალმა WWD-მ დაწერა, რომ ბექჰემთან კამპანიის შემდეგ, Emporio Armani-ს საცვლების გაყიდვები დაახლოებით 30%-ით გაიზარდა. სხვა მედიამ საოცარი ნახტომი აღნიშნა: +150% მხოლოდ საცვლებისთვის.

ბექჰემის შემდეგ, საცვლების ხაზის სახე კრიშტიანო რონალდო გახდა.

არმანიმ ბევრს გუნდს ჩააცვა: იტალია, ინგლისი, ბაიერნი, ჩელსი

არმანი ერთ-ერთი პირველი იყო, ვინც კიდევ ერთი ადგილი დაიკავა – ფეხბურთის სპონსორობა. ახლა ბევრს ჰყავს მოდის პარტნიორი. Giorgio-ს ბრენდმა კი ბევრ ცნობილ გუნდს ჩააცვა, როდესაც ყველა ჯერ არ ფიქრობდა ამაზე. არმანიმ ორჯერ შექმნა კოსტიუმები ინგლისის ნაკრებისთვის. 90-იან და 80-იან წლებში ბრენდი “ნიუკასლს” აწვდიდა ტანსაცმელს. 2007 წლის აგვისტოდან ის “ჩელსის” ფეხბურთელებისთვის კოსტიუმებს ქმნიდა.

სხვადასხვა წლებში არმანიმ “ბაიერნს” (მათ შორის პეპ გვარდიოლასთან ერთად) და იტალიის ეროვნულ ნაკრებს ჩააცვა. იტალიელებთან ევრო 2020-ზე ძალიან ნათელი იყო. ეს კოსტიუმები ლეგენდარულ მწვრთნელ ენცო ბეარზოტის მიეძღვნა.

ევრო 2024-ზე უფრო კლასიკური იერია.

არმანიმ ასევე შექმნა ინტერიერი ჩელსისთვის, მაგალითად დირექტორთა ოფისი

როდესაც “ჩელსიმ” არმანი დაიქირავა, ჯორჯიომ ინტერიერის დიზაინში სცადა ძალები.

იტალიელმა დააპროექტა “სტემფორდ ბრიჯზე” დირექტორის ლუქსი. 200 კვადრატული მეტრის სივრცეს Armani/Lounge ერქვა. იქ იყო „დირექტორის ბარი“ და „დირექტორის რესტორანი“.

Armani/Lounge-ში “ჩელსის” დირექტორთა საბჭოს შეხვედრებსა და დასვენებას აერთიანებდა. არმანიმ დეკორაციები და ავეჯი თავისი Armani/Casa კოლექციიდან აიღო: მათ შორის ფლუორესცენტული ლაქირებული მაგიდები, რომლებიც დაფარული იყო ბრინჯაოსფერი ლამინატით, დივნები კი ბრილიანტების სამგანზომილებიანი გამოსახულებით.

მოურინიომ არმანის კოსტიუმში ტრიპლი მოიგო. პალტო ძალიან უყვარდა, შემდეგ კი 22 ათას ფუნტად გაყიდა.

ჟოზე მოურინიო არმანის დიდი გულშემატკივარი იყო. “ჩელსიში” ჟოზე რეგულარულად ატარებდა ნაცრისფერ პალტოს.

მედია მას იღბლიანს უწოდებდა, რადგან გუნდი ხშირად იგებდა. როდესაც ჟოზე მას არ იცვამდა და “ჩელსი” აგებდა, ჟურნალისტები ხუმრობდნენ, რომ ყველაფერი ტანსაცმელზე იყო დამოკიდებული.

2005 წლის მაისში ჟოზემ პალტო ლონდონში საქველმოქმედო აუქციონზე გადასცა. მას იმდენად მოეწონა, რომ მოურინიომ საწყისი ფასი 15 ათასი ფუნტი შესთავაზა. მაგრამ ვიღაცამ 22 ათასიც კი არ დაინანა.

“ინტერში” ყოფნისას ჟოზემ არმანის სთხოვა, პიჯაკი შეეკერა. ჯორჯომ, რა თქმა უნდა, უარი არ უთხრა საყვარელი გუნდის მწვრთნელს.

თავის ახალ იღბლიან პიჯაკში მოურინიომ “ინტერთან” ერთად ტრიპლი მოიგო.