არა მარტო პსჟ: მანჩესტერი და ჩელსი, ლივერპულიც…

“ლივერპულმა”, შესაძლოა, აქტიურად დაიწყოს ქართველი შემტევის ტრანსფერის განხილვა”, – გვაუწყებს Thisisanfield.com ინსაიდერ დევიდ ორნშტეინის ინფორმაციაზე დაყრდნობით.

ის The Athletic-სთვისაც წერს და კარგად არის ჩახედული “ლივერპულის” ამბებში, ამიტომაც დარწმუნებულია, რომ პრემიერ ლიგის ლიდერი იბრძოლებს ხვიჩა კვარაცხელიასთვის, თუკი ჩათვლის, რომ ეს მისთვის მომგებიანია.

პარალელურად, სხვა წყაროებით ვრცელდება ინფორმაციები “მანჩესტერ იუნაიტედისა” და “ჩელსის” გააქტიურების თაობაზეც, თუმცა, ჯერჯერობით, კვარაცხელიასთან ყველაზე ახლოს “პარი სენ-ჟერმანია”, რომელიც უკვე ჩართულია “ნაპოლისთან” მოლაპარაკებებში.

რაც შეეხება “ლივერპულს”, ყველამ ვიცით, რომ არნე სლოტის გუნდი ამ დროისთვის შესანიშნავ ფორმაშია და პირველ რიგში ფლანგის მოთამაშეების – მოჰამედ სალაჰისა და კოდი გაკპოს შესანიშნავი თამაშის წყალობით.

ასე რომ, რომ “წითლებს” ხვიჩას პოზიციაზე ამ მომენტისთვის არ უჭირთ, მაგრამ თუ გავითვალისწინებთ, რომ ლუის დიასს წასვლა სურს, ხოლო ფედერიკო კიეზას იტალიაში დაბრუნებაზე “ნაპოლი” ზრუნავს, რატომაც არ უნდა იფიქრონ “ლივერპულში” ქართველ გარემარბზე?

“კვარას” კი ნამდვილად არ უნდა აშინებდეს კონკურენცია, პირიქით – ეს მისი ზრდისთვის ერთ-ერთი მთავარი წინაპირობაა. პლუს ამას, პრემიერ ლიგის რიტმი და ატმოსფერო მას ახლა ძალიან სჭირდება…

lelo.ge