არასრულ ერთ დღეში: ყველა ბილეთი გაყიდულია

საქართველო-საბერძნეთის მატჩზე, რომელიც ბათუმის “აჭარაბეთ არენაზე” გაიმართება, ყველა ბილეთი გაყიდულია.

მოგეხსენებათ, საქართველოს მთავრობის და საკორდინაციო საბჭოს გადაწყვეტილებით, მატჩზე სტადიონის ტევადობის მიხედვით გულშემატკივართა 33%-ია დაშვებული. ბილეთების რეალიზაცია ონლაინ მიმდინარეოდა, ბილეთები უკვე აღარ არის.

სტადიონზე მოსახვედრად გულშემატკივარმა აუცილებელია წარადგინოს ვაქცინაციის დამადასტურებელი დოკუმენტი ან განვლილი 72 საათის განმავლობაში აღებული pcr ტესტის უარყოფითი პასუხი.

საქართველო-საბერძნეთის შეხვედრა 9 ოქტომბერს, ბათუმში გაიმართება და მის პირდაპირ ტრანსლაციას პირველი არხი შემოგთავაზებთ.