არასდროს დავნებდებით: ვილი სანიოლმა უეფას ინტერვიუ მისცა – ჩემი შვილი რონალდოს დიდი ფანია

ევროპის ჩემპიონატის დაწყებამდე სულ ცოტა დრო დარჩა. ტურნირის დებიუტანტის საქართველოს ნაკრების მთავარმა მწვრთნელმა ვილი სანიოლმა ინტერვიუ მისცა უეფას ოფიციალურ გვერდს. აი რა წერია ჩემპიონატის ორგანიზატორის საიტზე.

ვილი სანიოლი საქართველოს ისტორიულ წარმატებასა და ევრო მიზნებზე

„ჩემი ერთ-ერთი ვაჟი, კრიშტიანო რონალდოს
ყველაზე დიდი გულშემატკივარია დედამიწაზე”, – თქვა სანიოლმა.

„სენტ-ეტიენის“, „მონაკოსა“ და მიუნხენის „ბაიერნის“ მცველი ვილი სანიოლი მწვრთნელად მუშაობდა საფრანგეთის 21-წლამდელთა ნაკრებსა და „ბორდოში“, სანამ 2021 წელს საქართველოს ნაკრებში გადაინაცვლებდა.

47 წლის ფეხბურთელმა საფრანგეთის ნაკრების შემადგენლობაში 58 მატჩი ჩაატარა, 2006 წლის მსოფლიო ჩემპიონატის ფინალამდე მიაღწია და ორ ევროპის ჩემპიონატზე ითამაშა – შეჯიბრში, რომელშიც მის ქართველ ფეხბურთელებს არასდროს არ მიუღიათ მონაწილეობა. სანიოლმა UEFA.com-თან ისაუბრა საეტაპო კვალიფიკაციაზე, მისი მმართველობის პერიოდზე და მათი მეტოქეებზე.

ფინალში გასვლის შესახებ

„ჩვენ ერთად რაღაც მნიშვნელოვანს მივაღწიეთ და მოთამაშეები ამას მიხვდებიან, როცა ოჯახებთან და მეგობრებთან ერთად გარე სამყაროში დაბრუნდებიან. რაც მთავარია, ეს ფედერაციის ჯილდოა. ისინი ცდილობენ იმუშაონ და კარგად გააკეთონ საქმე, ცდილობენ განავითარონ ახალგაზრდა თაობა.

ვიმედოვნებ, რომ ევროზე მონაწილეობა როგორც ფედერაციას, ასევე საქართველოს მოუტანს გამოცდილებას, რომელიც მომავალში ახალ წარმატებებისკენ წაგვიყვანს. მიზანია ყველამ – მოთამაშეებმა, პერსონალმა და ფედერაციამ – მიიღოს გამოცდილება ამ შესანიშნავ ტურნირზე“.

რა შეიცვალა მისი დანიშვნის შემდეგ

„როდესაც მე ავიღე პასუხისმგებლობა, ეს იყო რთული პერიოდი, რადგან ჩვენ ვიყავით COVID-19 პანდემიის შუაგულში, რომ აღარაფერი ვთქვათ იმ ფაქტზე, რომ საქართველოს ახალი წაგებული ჰქონდა ჩრდილოეთ მაკედონიას ერთა ლიგის ფინალი. ასე რომ, ჩვენ უნდა დაგვეწყო ხელახლა აშენება და გონება და გულიც გაგვეწმინდა, რადგან ეს იყო დიდი იმედგაცრუება. თითქოს სიზმარი დასრულდა.

ჩვენ განვავითარეთ ფეხბურთელები, ისე უნდა შეგვეცვალა, რომ ყველაფერი შეესაბამებოდეს უმაღლესი დონის მოთხოვნებს. ფეხბურთელები ამ მხრივ ფანტასტიკურები იყვნენ. უკვე ორი-სამი წელია მუშაობენ და ბევრი რამ შეცვალეს. ზოგიერთმა მათგანმა კი ყველაფერი შეცვალა მიდგომის მხრივ. ეს არის ჯილდო ამ ბიჭებისთვისაც, რადგან მათ უკვე დიდი ხანია მიზნის სჯერათ“.

საქართველოს ჯგუფი

„ჩემი ერთ-ერთი ვაჟი, ვფიქრობ, კრიშტიანო რონალდოს ყველაზე დიდი გულშემატკივარია დედამიწაზე. ვიცი, რომ პორტუგალიასთან მატჩი ჩემს შვილს ახარებს და ეს გასაოცარია, როგორც მამისთვის. ძალიან რთული ჯგუფი გვაქვს, პორტუგალია კი ევროპული დონის უდიდესი ძალაა.

თურქეთი ბოლო რამდენიმე წლის განმავლობაში გამორჩეულ სამუშაოს ასრულებს, ახალი მოთამაშეები მოდიან, ახალგაზრდა და ძალიან ნიჭიერები. რაც შეეხება ჩეხეთს, მათ ისტორიაში დიდი ფეხბურთელები ჰყავდათ და ბევრ ტურნირში მიიღეს მონაწილეობა.
დაბოლოს ჩვენ, საქართველო. გარკვეულწილად „ველური ბარათი“, შეუმჩნევლად მოხვდა ამ ტურნირზე. რა თქმა უნდა, პორტუგალიას ვეთამაშებით, ჩეხეთს თუ თურქეთს, არასდროს დავნებდებით და ყველაფერს გავაკეთებთ, რაც შეგვიძლია“.