ანდრეი შევჩენკო: ომში წასვლაზე ბევრჯერ მიფიქრია

ლეგენდარული უკრაინელი ფეხბურთელი, “ოქროს ბურთის” მფლობელი ანდრეი შევჩენკო იტალიის ერთ-ერთ არხზე სტუმრობისას, თავის ქვეყანაში მიმდინარე ომზეც საუბრობს. 45 წლის ვეტერანმა ფეხბურთელმა ცრემლები ვერ შეიკავა და აღნიშნა, რომ ომში წასვლაზე ბევრჯერ უფიქრია.

“ბევრჯერ მიფიქრია ომში წასვლაზე და საომარ მოქმედებებში ჩართვაზე, მაგრამ ეს კარგი გამოსავლი არ იქნება. მე სამხედრო გამოცდილება არ მაქვს, ამიტომაც ახლა რასაც ვაკეთებ, ასე უკეთ შემიძლია ჩემი ქვეყნის დახმარება. ვიყენებ საერთაშორისო კონტაქტებს და უცხოურ მედიაში ბევრს ვსაუბრობ ჩემს ქვეყანაში არსებულ ვითარებაზე. ვეწევი ჰუმანიტარულ დახმარებას. მაქვს კომუნიკაცია საერთაშორისო საქველმოქმედო ფონდებთან”, – თქვა ანდრეი შევჩენკომ.