UFC-ის ჩემპიონ ილია თოფურიას მიაჩნია, რომ „ოქროს ბურთი“ მადრიდის „რეალისა“ და ესპანეთის ნაკრების მცველ დანი კარვახალს უნდა მისცენ.
გავიხსენოთ, გასულ სეზონში კარვახალმა „რეალთან“ ერთად მოიგო ქვეყნის ჩემპიონატი და ჩემპიონთა ლიგა, ესპანეთის ნაკრებთან ერთად კი ახლახან ევროპის ჩემპიონი გახდა.
„მან მოიგო ლიგა, მოიგო ჩემპიონთა ლიგა და გაიმარჯვა ევროზე. ის არის ფეხბურთელი, რომელმაც ამ მომენტისთვის ყველაზე მეტი ტიტული მოიგო წელს, ამიტომაც იმსახურებს „ოქროს ბურთს“, – უთხრა თოფურიამ Marca-ს.
ამასობაში ილია თოფურიას შესახებ ესპანურმა კინოკომპანიებმა, Movistar+-მა და Filmax-მა დოკუმენტური ფილმი გადაიღეს, რომლის პრემიერაც ესპანეთის კინოთეატრებში 19 სექტემბერს შედგება.
![](https://sport4me.ge/wp-content/uploads/2024/06/Estr-for-Fortuna-300-x-250-px.jpg)
დოკუმენტური ფილმის სახელია „მატადორი“. ის მოგვითხრობს თოფურიას განვლილ გზაზე.
27 წლის ქართველ-ესპანელმა მებრძოლმა საჩემპიონო ბრძოლაში ავსტრალიელი ალექსანდრ ვოლკანოვსკი 18 თებერვალს დაამარცხა და სავარაუდოდ ქამარს შემოდგომაზე დაიცავს.
GIPHY App Key not set. Please check settings