აი თითი: ჩაკვეტაძისთვის სეზონი დასრულდა

ჩემპიონშიფის 41-ე ტურში „უოტფორდმა“ სამმატჩიანი მოუგებელი სერია შეწყვიტა და შინ „ჰალი“ დაამარცხა – 1:0.
სამწუხაროდ, არ უთამაშია გიორგი ჩაკვეტაძეს.

მატჩისწინა პრესკონფერენციაზე „უოტფორდის” მწვრთნელმა ტომ კლევერლიმ განაცხადა, რომ გიორგის ფეხის თითზე პრობლემა აქვს და მის მდგომარეობას გამოკვლევის შედეგად შეაფასებდნენ.

Geo Team-ის ცნობით, ჩაკვეტაძეს 6-8 კვირა გაუცდება და ამ სეზონში ვეღარ ითამაშებს.

კლუბის ცნობით, ჩაკვეტაძეს ფეხის თითის პრობლემა ხშირად აწუხებდა.