აბურჯანია თურქეთში მიდის, ლობჟანიძესთან

პორტუგალიური “ჟილ ვისენტეს” ქართველი ნახევარმცველი გიორგი აბურჯანია გუნდს ტოვებს და თურქულ „ჰათაისფორში“ გადადის. ასეთ ინფორმაციას ავრცელებს პორტუგალიური პრესა.

28 წლის აბურჯანიას, 2-წლიანი სეზონის შემდეგ, კლუბთან კონტრაქტი ივნისში უმთავრდება.
„ჟილ ვისენტეში“ აბურჯანიამ 63 მატჩში მიიღო მონაწილეობა და 2 გოლი გაიტანა.

მოგეხსენებათ, „ჰათაისფორს“ ეკუთვნის საქართველოს ნაკრების კიდევ ერთი ფეხბურთელი საბა ლობჟანიძე, რომელიც იჯარით „ქარაგიუმრუქში“ თამაშობს.

აბურჯანიას გადაბირება კიდევ ერთ თურქულ გუნდს, „ალანიასფორს“ სურდა, მაგრამ ჩვენიანმა არჩევანი „ჰათაიზე“ შეაჩერა.

საუბარია 2+1 სისტემით კონტრაქტზე. ჯერ ქართველი ფეხბურთელი სამედიცინო შემოწმებას გაივლის.

შეგახსენებთ, თურქეთში მომხდარი საშინელი მიწისძვრის შემდეგ „ჰათაისპორმა“ დროებით შეაჩერა საქმიანობა, მაგრამ ფედერაციამ მომდევნო სეზონისთვის გუნდს სუპერლიგაში ადგილი შეუნარჩუნა.