აბუაშვილმა საფრანგეთში პირველი გაიტანა, მეცმა ისევ მოიგო

საფრანგეთის ჩემპიონატის მე-11 ტურში ქართველების „მეცმა“ სტუმრად „ნანტი“ დაამარცხა – 2:0.

ძირიტადში იყო გიორგი წიტაიშვილი.
ის 78-ე წუთზე გიორგი აბუაშვილმა შეცვალა, რომელმაც ოთხ წუთში მეტოქის რიგებში არეულობით ისარგებლა და ანგარიში გახსნა – 1:0.

ეს აბუაშვილისთვის პირველი გოლია ლიგა 1-ში.

შეფასებები:

წიტაიშვილი: whoscored – 7.1. sofascore – 7.1, flashscore – 7.3.
აბუაშვილი: whoscored – 7.2, sofascore – 7.7, flashscore – 7.8.

ნანტი – მეცი 0:2
გოლები: 0:1 აბუაშვილი (82), 0:2 დიალო (89)

„მეცმა“ ზედიზედ მეორე გამარჯვება მოიპოვა.
8 ქულით ბოლოსწინა, მე-17 ადგილზეა და 9 ნოემბერს „ნიცას“ უმასპინძლებს.