„ფორმულა 1“-ის პილოტი ფერნანდო ალონსო ავარიაში მოყვა – ველოსიპედით სეირნობის დროს მრბოლელს მანქანა დაეჯახა. ესპანელი გონზეა და თავს ნორმალურად გრძნობს. მედიკოსები დამატებითი კვლევების ჩატარებას დღეს გეგმავენ.
„პირველმა რენტგენოლოგიურმა კვლევამ აჩვენა, რომ ალონსოს სახის ძვლები აქვს დამტვრეული და კბილებიც დაკარგა. მან შესაძლოა სეზონის სტარტი გამოტოვს“, – იუწყება გამოცემა Gazzetta dello Sport.
39 წლის ალონსო გეგმავდა, რომ 3-წლიანი შესვენების შემდეგ დიდ სპორტში დაბრუნებულიყო. მრბოლელს „ალპინის“ შემადგენლობაში უნდა ეასპარეზა.
ფერნანდო ალონსო „ფორმულა 1“-ის ორგზის ჩემპიონია (2005, 2006 წწ) და ორივე ტიტული მან „რენოს“ გუნდში ყოფნის დროს მოიპოვა. ალონსო ჩემპიონატში 2001-დან 2018 წლამდე გამოდიოდა.
„ფორმულა 1“ სტარტს 28 მარტს ბაჰრეინში აიღებს.
![](https://sport4me.ge/wp-content/uploads/2024/06/Estr-for-Fortuna-300-x-250-px.jpg)
GIPHY App Key not set. Please check settings